Бұл туралы Ауғанстан энергетика және су ресурстары министрінің міндетін атқарушы Абдуллатиф Мансұр мәлімдеді.
Министрдің айтуынша, Ауғанстанның Тәжікстанмен, Өзбекстанмен және Түркіменстанмен арадағы шекарасын демаркациялау жаңа стратегия бойынша жүзеге асады. Алайда министр шекараны нақты қалай қалпына келтіретінін түсіндірмеді.
Ауғанстан мен Өзбекстан арасындағы шекараны су шайып кеткені үшін сызық қайта анықталады.