Сухангӯи Додситонии кулли Узбекистон Ҳаёт Шамсиддинов ба рӯзноманигорон хабар дода, ки нозири минтақавӣ дар ноҳияи Бостанлиқи Тошканд бо тапончаи хидматӣ зану фарзанди 7-моҳаашро парондааст.
Ҳодиса 6 август дар хонаи хидматии нозири минтақавӣ рух додааст.
"Нозири минтақавӣ, соли таваллудаш 1996 баъди қатли зану фарзандаш худро низ парондааст", - гуфтааст Шамсиддинов.
Дар робита ба ин ҳодиса бо банди "Куштори барқасдона" парванда боз шудааст.
Манбаъҳои бахши узбекии Радиои Озодӣ гуфтанд, ҳодиса дар заминаи рашк рух додааст.