Қирғизистоннинг Германиядаги элчихонаси Золинген фестивалидаги ҳужумчига алоқадорликда гумонланиб 15 ёшли қирғизистонлик ушлангани ҳақидаги маълумотга изоҳ берди.
Элчихона маълумотига кўра, ушланган 15 ёшли йигитнинг шахси ва унинг Қирғизистон фуқароси эканлиги аниқланмоқда.
Шунингдек, элчихона ҳалок бўлганлар ва жабрланганлар орасида Қирғизистон фуқаролари йўқлигини қўшимча қилди.
Жума куни кечқурун суриялик қочқин Германиянинг ғарбидаги Золинген шаҳридаги фестиваль иштирокчиларига пичоқ билан ҳужум қилди. Уч киши ҳалок бўлди, ўндан ортиқ киши жароҳат олди.
"Ислом давлати" (ИД) ушбу ҳужум учун масъулиятни ўз зиммасига олди.
Spiegel нашри Золингендаги ҳужум муносабати билан қочоқлар ётоқхонасида яшовчи қирғизистонлик 15 ёшли ўсмир ушлангани ҳақида хабар берди. У жиноятчи билан пичоқ ҳужуми эҳтимоли ҳақида суҳбатлашгани айтилмоқда. Ўсмир режалаштирилган ҳужум ҳақида хабар бермаганликда гумон қилинмоқда.
Қирғизистон элчихонаси 15 ёшли қирғизистонлик Золингендаги ҳужумга алоқадорлиги ҳақидаги маълумотни ўрганмоқда
Ўсмир режалаштирилган ҳужум ҳақида хабар бермаганликда гумон қилинмоқда.