Вазорати корҳои дохилӣ мегӯяд, Муқаддас Мададоваи 34-сола, сокини ҷамоати деҳоти Ифтихори ноҳияи Ашт бар ивази 15 ҳазор сомонӣ тифли якмоҳаро ба каси дигар фурӯхтанӣ буд.
Ба иттилои манбаъ, ин зан чор маротиба шавҳар карда, 5 фарзанд ба дунё овардааст. Мададова як фарзандашро ба фарзандхонӣ дода, дутои дигарашро ба мактаб интернат супурдааст ва як духтарчаи хурдсолаш дар тарбияи худаш қарор дорад.
Ҳангоми дар батнаш будани фарзанди панҷум ӯ оилаи нав бунёд мекунад, вале шавҳари наваш духтарчаи бо ӯ бударо қабул карда, аз кӯдаки ҳанӯз ба дунё наомадааш даст кашидааст. Кӯдак ҳамагӣ як моҳ доштааст.
Мақомот ин занро ҳангоми гирифтани 5 ҳазор сомонӣ ҳамчун пешпардохт боздошт ва нисбаташ парванда боз карданд.