Ин хабар дар саҳифаи шахсии Муродов дар шабакаи иҷтимоии Х нашр шудааст. Фариза Норбекова, хоҳари Муродов ҳам дар суҳбат бо бахши қирғизии Радиои Озодӣ ин хабарро тасдиқ кардааст.
"Ҳимояти ҳуқуқӣ аз истирдод бардошта шудааст. Додситони кулли Қазоқистон аллакай метавонад ба истирдоди вай ба Узбекистон иҷозат диҳад", - изҳор доштааст Норбекова.
Додгоҳи Алматои Қазоқистон рӯзи 20-уми марти имсол ҳабси ҳомии ҳуқуқи қарақалпоқистонӣ Оқилбек Муродовро 12 моҳ дароз кард. Вай то 15-уми феврали соли 2025 дар ҳабси пешакӣ хоҳад буд.
Муродов бо дархости Узбекистон дар Алмато боздошт шуд.
Ба зидди ӯ барои ташкили гирдиҳамоӣ бахшида ба ҳаводиси Нуқус ва нашри видеои суханронии ҳамватанаш Қошқарбой Торемуратов дар конфронси САҲА айб эълом гаштааст.