Ссылки доступа

Росстат: муҳожирлар ичида тожикистонликлар Россияга кўпроқ бутунлай кўчиб келмоқда


Росстат ўртача мигрантнинг ижтимоий-демографик портрети тузган.

Муҳожирлар ичида тожикистонликлар Россияга кўпроқ бутунлай кўчиб келмоқда. Россияда доимий яшашга қолиб кетган мигрантларнинг 31 фоизи айнан Тожикистондан келган, деб ёзади РБК нашри Росстат маълумотларига таяниб.

Кейинги ўринларни Қирғизистон (10%), Украина, Арманистон ва Қозоғистон (9 фоиз) эгаллади.

Росстат ўртача мигрантнинг ижтимоий-демографик портрети тузган. Унга кўра, одатда Россияга кўчиб келаётган муҳожир меҳнатга лаёқатли (76%), оилали (51,4%), ўрта маълумотли (39,4%) эркакдир(55%).

Россия ИИВ маълумотларига кўра, 2023 йилнинг январь-октябрь ойларида 318 мингдан ортиқ хорижликлар, асосан Тожикистон, Арманистон, Қозоғистон, Қирғизистон, Ўзбекистон ва Озарбайжон фуқаролари Россия фуқаролигини олган.

2020 йилдан буён Россия фуқаролигини олиш истагида бўлган тожикистонликлар сонининг ўсганлиги кузатилмоқда. 2020 йилда Тожикистоннинг 63 мингдан ортиқ фуқароси Россия фуқаролиги олган бўлса, 2021 йилда бу кўрсаткич 103 минг нафарга, 2022 йилда эса 173 минг нафарга етди.

XS
SM
MD
LG