Душанбеда мухолифат арбоби, Социал-демократик партия раисининг ўринбосари Шокиржон Хакимов қўлга олинган. Бу маълумотни Озодликнинг тожик хизматига бир неча манба тасдиқлаган.
Хакимов “давлат ҳокимиятини эгаллаб олишга уринганлик” айблови билан аввалроқ ушланган ДП раиси, парламент депутати Саиджаъфар Усмонзоданинг иши доираси қўлга олинганлиги айтилмоқда.
Аввалроқ ДП функционерларидан ташқари, собиқ ташқи ишлар вазири Ҳамрохон Зарифий ва собиқ парламент спикери Акбаршо Искандаров ҳам қўлга олинган эди.
Тожикистон мухолифати уларнинг қўлга олинишини Усмонзода иши билан боғламоқда. Бу борада расмийлар томонидан бирор изоҳ берилмаган.
Хакимов мамлакатдаги долзарб масалалар бўйича ўз нуқтаи назарини эркин ифода этадиган кам сонли сиёсатчилардан бири эди. Унинг ҳибсга олиниши жамият томонидан мамлакатдаги эркинликлар чекланишининг ёрқин кўрсаткичи сифатида қабул қилинмоқда.
Аввалроқ Демократик партия раиси, собиқ парламент спикери, собиқ ташқи ишлар вазири қўлга олинган эди.