Ссылки доступа

Қазоқистон ба Алекс Леслии русиягӣ - мураббии робитаҳои шаҳвонӣ иҷозаи вуруд надод


Алекс Лесли

Мақомоти Қазоқистон вуруди мураббии робитаҳои шаҳвонӣ Александр Кириллови русиягиро, ки бо номи Алекс Леслӣ шинохта шудааст, барои як сол манъ карданд. Вай мехост, дар Қазоқистон давраи омӯзишии "мафтунсозии қазоқдухтарон"-ро баргузор кунад.

Фаъолони шаҳрвандии Қазоқистон дар шабакаҳои иҷтимоӣ аз баргузории чунин чорабинӣ изҳори норизоӣ карданд ва ба вуруди ин шаҳрванди Русия ба Қазоқистон зид баромаданд.

Дар мақомоти пулиси Қазоқистон гуфтанд, тасмим дар бораи манъи вуруди Алекс Лесли баъди вокунишҳои ҷомеа гирифта шудааст.

Лесли баъди он маъруф шуд, ки дар соли 2019 ҳам дар Тайланд ва ҳам дар Русия боздошт гардид. Настя Рибка, шарики Лесли гуфт, онҳо наворҳое доранд, ки дахолати Русияро дар интихоботи ИМА собит месозад.

Тими мухолифи ҳукумати Русия Алексей Навалний он замон бо нашри таҳқиқоти журналистие гуфта буд, ки таъқиби Рибка ва Лесли бо дастури сарватманди русиягӣ Олег Дерипаска сурат мегирад. Зеро, наворҳое, ки Рибка дар бораи онҳо нақл кард, дар киштии марбут ба Дерипаска сабт шудаанд.

XS
SM
MD
LG