"Эътилофи байналмилалии тонкҳо 12 узв дорад. Ҳоло барои номбар кардани ҳамаи кишварҳои узви эътилоф ва саҳми амалии онҳо барвақт аст, зеро баъзе аз онҳо бояд тибқи расмиёти дохилии худ, тасмимҳои расмӣ қабул кунанд. Танҳо метавон гуфт, ки Қувваҳои мусаллаҳи Украина аз 120 то 140 тонки муосири моделҳои ғарбӣ дарёфт мекунад”, - гуфт ӯ.
Ба гуфтаи ӯ, шарикони ғарбии Украина ба Киев тонкҳои "Leopard 2", "Challenger 2" ва "M1 Abrams" медиҳанд. Ҳамчунин Украина интизор дорад, ки навъи "Leclerc"-ро низ дарёфт кунад.
Амрико, Олмон ва кишварҳои дигар ҳафтаҳои охир ба фиристодани силоҳҳои бештар ба Украина, аз ҷумла тонкҳои пешрафта мувофиқат карданд.
Дар ҳоле ки захираҳои силоҳи Украина ба шиддат коҳиш ёфтааст, Фаронса ва Австралия рӯзи душанбе қарордодеро ба ҳадафи тавлиди гулӯлаҳои 155-миллиметрӣ барои нерӯҳои Киев эълон карданд.