Айтматов фестивалы "элитасыз" өттү

Чыңгыз Айтматовдун 90 жылдыгына арналган эл аралык театр фестивалы аяктап жатат. Ага Кыргызстандын, Өзбекстандын, Орусиянын, Азербайжандын, Тажикстандын жана Казакстандын он сегиз театры катышып, Чыңгыз Айтматовдун чыгармаларынын негизинде коюлган спектаклдерди көрсөттү. Театр ишмерлери бул жолку фестиваль өзүнүн бир нече өзгөчөлүктөрү менен айырмаланганын белгилеп, бирок кыргыз сахнасында коюлган жергиликтүү жана эл аралык спектаклдерди көрүүгө интеллигенция өкүлдөрү, мамлекеттик жана саясий ишмерлер дээрлик келбегенине капа болушту.