ИИВ матбуот котиби Ирина Волк хабар беришича, вазирлик Россияда визасиз истиқомат қилиш муддатини йилига 90 кун билан чеклаш ва хорижликларнинг биометрик маълумотларини олиш мажбурий қилиш таклифини ишлаб чиққан.
ИИВ хорижликларнинг рақамли профилларини ҳамда иш берувчилар ва чет эллик ишчилар реестрини яратишни таклиф қилмоқда. Шунингдек, хорижликларга уларнинг шахсини тасдиқловчи ягона ҳужжат берилиши кўзда тутилган. Ушбу ҳужжат қолган барча миграция ҳужжатларини ўрнига киритилмоқда.
Россия чегарасида хорижликлар биометрик маълумотлардан ташқари содиқлик аҳдини имзолашлари шарт бўлади. Шунингдек, қонун лойиҳасининг муаллифлари депортация қилиш ваколатини судлар билан бир қаторда ижроия ҳокимият органларига ҳам тақдим қилмоқчи.
22 март куни Москва вилоятидаги "Крокус Сити Ҳолл" концерт залида теракт содир этилган. 140 дан ортиқ одамнинг умрига зомин бўлган теракт Россияда аксил мигрант кайфиятлари ва ксенофобияни кучайтирди. Мамлакат бўйлаб марказий осиёлик муҳожирларга қарши полиция рейдлари кўпайди, рус сиёсатчилари мигрантлар устидан назоратни кучайтиришга чақирмоқда. Россиядаги масжидларни бутунлай ёпиш талаблари ҳам янграмоқда.
Россия Ички ишлар вазирлиги миграция қонунчилигини қатъийлаштиришни таклиф қилмоқда.