Ссылки доступа

"Первый канал"да Крокус ҳужумчиларининг миясига чип ўрнатилганлиги иддао қилинди


Гумонланувчилардан бири Шамсидин Фаридуни
Гумонланувчилардан бири Шамсидин Фаридуни

Бу иддао Биринчи каналда эфирга узатилган "Время покажет" дастурида янграган,

Интерполнинг Россиядаги бюросининг собиқ раҳбари, истеъфодаги полиция генерал-майори Владимир Овчинский “Крокус Сити холл” концерт залида теракт содир этганларнинг миясига чиплар ўрнатилган бўлиши мумкинлигини маълум қилди.

Бу иддао Биринчи каналда эфирга узатилган "Время покажет" дастурида янграган, деб ёзмоқда The Moscow Times.

"Теракт ижрочиларининг онги ўчирилган. Катта эҳтимол билан психотроп моддалар, НЛП ва мияга ўрнатилган чиплар комбинацияси қўлланилган, чунки ҳозирги нейробиология одамни бошқаришга имкон беради", деган Овчинский. Бу иддаога студиядаги бошқа иштирокчилар эътироз билдирмаган.

Аввалроқ ушбу ток-шоу бошловчиси Анатолий Кузичев унинг дастурига "тасодифий одамлар келиб қолмаслигини, иштирокчиларнинг барчаси жиддий инсонлар эканлигини" айтган эди.

Одам онгини чиплар ёрдамида бошқариш турли фитна назарияларининг доимий мавзусидир.

Аввалроқ “Крокус Сити холл”га ҳужумга алоқадорлиги айтилаётган 12 киши ушлангани, улардан саккиз нафари ҳибсга олингани ҳақида хабар қилинган эди.

Концерт залига 22 март оқшомида уюштирилган қуролли ҳужум натижасида, сўнгги маълумотларга кўра, 144 киши ҳалок бўлган. Ҳужум учун масъулиятни “Ислом давлати” террор ташкилотининг Афғонистондаги қаноти ўз зиммасига олган. У ҳужумчилардан бири устида бўлган камера воситасида тасвирга олинган ҳужум видеосини ёйинлаган.

Мазкур ҳужумга Украинанинг алоқаси борлиги ҳақида аввалроқ Россия президенти Владимир Путин баёнот тарқатган эди. Унга кўра, терговда бу тахминни тасдиқловчи далил йўқ эди. Bloomberg агентлиги ўз манбалари сўзларига таянган ҳолда, мазкур тахминга президент атрофидаги одамлар ҳам ишонмаётгани ҳақида ёзиб чиққан. Киев “Крокус Сити холл”га ҳужумга ҳеч қанақа алоқаси йўқлигини айтмоқда.

XS
SM
MD
LG