Намояндаи қисми низомии "5546"-и Горди миллии Қазоқистон Асилхон Куанов дар додгоҳи Атирау гуфт, ки дар ҷараёни эътирозҳои ба истилоҳ, "январӣ" таҷҳизоти муҳофизатии кормандони онҳо, аз қабили зиреҳи шахсӣ ва дастгоҳҳои иртиботӣ гум шуда, мошинҳои хидматӣ осеб дидаанд.
Ба гуфтаи Куанов, қисми низомии онҳо ҷамъан ба маблағи 44 миллион танга (95,5 ҳазор доллар) хисорот дидааст.
Додгоҳи вилоятии Атирау 27 декабр бозпурсии 115 ҷабрдидаро дар доираи парвандаи "бетартибиҳои оммавӣ" ба поён расонд. Дар доираи ин парванда 27 нафар дар курсии айбдорӣ менишинанд.