Волгоград суди трансгендер бўлмиш Тожикистон фуқароси Самим Раҳмонқулни “ЛГБТ ташвиқоти”да айбдор топиб 15 сутка ҳибс тайинлади ҳамда уни мамлакатдан чиқариб юборишга қарор қилди. Бу ҳақида "Кавказ.Реалии" нашри маълум қилмоқда.
Тергов материалларига кўра, Россияда фоҳишалик билан шуғулланувчи Раҳмонқул ўзининг фотосуратларини ва маълумотларини «ВКонтакте» платформасида жойлаган. Тергов бу эълонни "ноанъанавий жинсий муносабатлар ҳамда халқаро ЛГБТ ижтимоий ҳаракати ЛГБТ ташвиқоти" сифатида баҳолаган.
Раҳмонқулнинг ўзи айбини тан олган, бироқ Конституциянинг 51-моддасига ҳавола қилиб ўзига қарши кўрсатма беришдан бош тортган.
Россияда “ЛГБТ ташвиқоти” учун таъқиблар ўтган йилнинг ноябрь ойидан, Олий суд мавжуд бўлмаган “халқаро ЛГБТ ижтимоий ҳаракати”ни “экстремистик ташкилот” деб тан олиб уни Россияда тақиқлаганидан кейин кучайди. Шундан сўнг, Ставропол адлияси каминг-аутни (ўзининг ЛГБТга мойиллигини ошкор қилишни) "экстремистик ЛГБТ ҳаракатида иштирокка" тенглаштирди.
Ҳуқуқ фаолларининг танқидича, Россия ва Тожикистонда жинсий озчилик вакиллари мутассил таъқиб, ҳақорат, жисмоний ва жинсий зўравонлик остида ҳаёт кечирмоқда.
Россияда “ЛГБТ ҳаракати” экстремистик ташкилот деб тан олинган ва тақиқланган.