Ссылки доступа

Украинаву Русия асиронро табодул карданд


Пленные российские солдаты, воевавшие на территории Украины, архивное фото 

Раёсати асосии иктишофии вазорати мудофиаи Украина рӯзи сешанбе хабар дод, ки бо Русия табодули асирон сурат гирифтааст.

Ба иттилои ин раёсат, 16 низомӣ ва як сокини осоиштаи Украина бо 15 низомии Русия табодул шудаанд.

Нашрияи "Украинская правда" навишт, ки низомиҳои табодулшудаи Украина ду моҳ пеш асир афтода буданд. Панҷ низомӣ то табодул шудан дар бемористонҳои Русия бистарӣ буданд ва панҷ тани дигар захмӣ ҳастан ва ба табобати фаврӣ ниёз доранд.

Табодули асирон дар вилоятҳои Херсон ва Николаеви Украина сурат гирифтааст. Ин вилоятҳо айни замон таҳти идораи артиши Русия ҳастанд.

Вазорати мудофиаи Русия дар бораи табодули асирон иттилоъ надодааст.

Аз замони ҳамлаи Русия ба Украина бори чандум аст, ки табодули асирон сурат мегирад.

XS
SM
MD
LG