Ин садама нимашабии 28 феврал ба 1 март дар наздикии шаҳри Лариса рух додааст. Қатораи ҳомили 350 мусофир, ки аз шаҳри Афина ба Салоникӣ ҳаракат мекард, бо сабабҳои номаълум дар як хат бо қатораи боркаш қарор гирифтааст.
Дар натиҷаи ин бархурд чаҳор "вагон"-и қатораи мусофирбар аз роҳ баромада, дар чанд "вагон"-и дигар оташ сар задааст. Наздики 250 мусофирро бо автобусҳо ба шаҳри Салоникӣ интиқол додаанд.
Наҷотдиҳандагон ба корҳои наҷотдиҳӣ ва бартарафсозии оқибати садама идома медиҳанд.