Киев ва ҳампаймонони ғарбиаш борҳо Русияро дар истифодаи бесарнишинҳои эронӣ ҳангоми ҳамла ба шаҳрҳои Украина айбдор карданд.
"Сарфи назар аз он ки бисёре аз ин айбҳо беасос ҳастанд, амалан ин баёнгари самаранокӣ, муҳимият ва сатҳи олии Ҷумҳурии исломӣ дар мавриди бесарнишинҳо аст", - гуфт Муҳаммад Боғирӣ.
Эрон ирсоли аслиҳаро ба Русия борҳо рад кард. Аммо ибтидои моҳи ноябри соли ҷорӣ Теҳрон гуфт, ки то замони ҳамлаи Русия ба Украина дар моҳи феврали соли 2022 ба Русия бесарнишин ирсол кардааст.
Кишварҳои ғарбӣ дар робита ба истифодаи бесарнишинҳои эронӣ дар Украина нисбати чанде аз ширкатҳо ва аъзои фармондеҳии низомии Эрон таҳрим ҷорӣ карданд. Генерал Муҳаммад Боғирӣ ҳам шомили таҳримҳо шуд.