Қаблан чандин падару модар дар вилоятҳои Лебап ва Дашоғузи Туркманистон аз раёсатҳои маорифи минтақаи худ дархост карда буданд, ки барои фарзандони онҳо синфҳои узбекӣ ё дарсҳо бо забони узбекӣ ташкил карда шавад.
Бино ба омори расмӣ, дар Дашоғуз имсол ҳудуди 34 ҳазор кудак ба синфи 1-ум меравад. Дар миёни онҳо узбектаборон низ ҳастанд, ки волидонашон мехостанд фарзандони онҳо бо забони модарии худ дарс хонанд.
Қаблан ақалиятҳои миллии дигари Туркманистон, аз қабили қазоқтаборон ва тоторҳо низ аз ҳукумати ин кишвар дархост карда буданд, ки ба фарзандони онҳо барои таҳсил бо забони русӣ ва қазоқӣ иҷозат дода шавад, вале посухи рад гирифтанд.
Мақомоти Туркманистон дар ин бора расман изҳори назар намекунанд.