"Нисбати онҳо бояд мисли давлатҳои исломӣ ҳукм ҷорӣ шавад. Набояд нисбати душманони дин ва мардуми мо, ки монеи рушд мешаванд, ғамхорӣ кард. Онҳо ба зиндон, ғизо ва шароити ройгон одат кардаанд. Аз онҳо ба касе фоида намерасад", - навишт вай дар саҳифаи Фейсбук.
Вай мегӯяд, ба хотири оромии мардум ин ақидаро пешниҳод мекунад.
"Ин кори нодуруст аст, ки онҳо ҳатто баъди манъи ҷазои қатл дар Ӯзбекистон ва озодиҳое, ки ба мардум дода шудааст, чунин харобкорӣ мекунанд! Мо мебинем, ки дар ҷаҳон чи корҳо сурат мегирад. Онҳо масҷидҳоро дар Миср, дар нимҷазираи Синой метарконанд. Ҳатто президенти ИМА Трамп мегӯяд, ки бояд ба онҳо ҷазои қатл таъйин шавад. Ман бо пешниҳоди ин фикр оромии мардумро хоҳонам", - гуфт Шермурод Туғай.
Дар ҳамин ҳол, ин имоми масҷиди Тошканд гуфт, навиштаҳояш дар шабакаҳои иҷтимоӣ фикри шахсии ӯянд ва набояд ҳамчун фатво қабул шаванд.