"То соати 9:30 дақиқаи рӯзи якшанбе дар гузаргоҳи "Оқ-Тилек" 410 мошини борбар дар навбат истода буданд. Соати 18 ҷониби Қазоқистон убури мошинҳоро осонтар кард. То субҳ 225 мошин марзро убур карданд. Пештар дар як соат 7-8 мошин аз марз мегузашт, ҳоло 15-20", - хабар медиҳад Абдикариева.
Ҳукуматҳои Қазоқистону Қирғизистон 2 декабр созишномаи "харитаи роҳ"-ро дар мавриди танзими вазъи марзи ду кишвар имзо карданд. "Харитаи роҳ" барои ҳалли масоили ҳамкориҳои дуҷониба, ҳамкорӣ дар бахши марз, ҳамлу нақл, назорати фитосанитарӣ ва бойторӣ 50 роҳҳалро дар бар мегирад.
Қазоқистон назорати марзиро 10 октябр пурзур кард. Ин боис шуд, ки убури мошинҳои борбар аз марзи байни Қазоқистону Қирғизистон душвор шавад.
