Өзбек ишкерлери январдан тарта Казакстандан товар алып өтүү жеңилдегенин билдиришти. Алардын айтымында, өзбек бажы кызматкерлери чек арадан өткөн жарандарга сылык мамиле жасап калышты.
– «Черняевка» көзөмөл өткөрүү бекетинде бажычылар өзүлөрүн аябай сылык алып жүрө башташыптыр. Алар Казакстандан 1000 долларга чейин товар алгандарды жайбаракат өткөрүшүүдө. Ашыкча текшерүү жок. Мен мындайды биринчи көрүп жатам, – деди өзбек соодагерлеринин бири.
Көптөгөн өзбекстандыктар азык-түлүктөрдү 30-40 пайызга арзан казак базарларынан ташыйт.
