Ссылки доступа

Украинанын бир катар облусунда аскердик абал киргизилди (видео)


Украин парламенти – Жогорку рада Орусия жана Приднестровье – Молдованын жикчил аймагы менен чектешкен он облуста 30 күнгө аскердик абал киргизүүнү колдоду. Президент Петро Порошенко өлкөгө аскердик абал киргизүү жөнүндө жардыкка 26-ноябрда кол койду.

Мыйзам долбоору дароо парламентке келип түшкөн.

Анын алдында Украина преизденти Петр Порошенко аскердик абалды 60 күндөн 30 күнгө чейин кыскартуу чечимин кабыл алган. Ал чукур кырдаал менен шайлоо кампаниясынын башталышын дал келтирүүнү каалаган эмес.

Жогорку Рада 26-ноябрда келерки президенттик шайлоо күнүн белгиледи: Ал 2019-жылдын 31-мартында болот.

Украинанын Куралдуу күчтөрү толук күжүрмөн даярдыкта экенин Коргоо министрлигинин басма сөз кызматы билдирди. Керч кысыгында кырдаал курчугандыктан Коопсуздук кызматынын ички курамы да аскердик абалга даярдык көрүүдө.

Иллюстрация: аскердик абал киргизилген облустардын картасы
Иллюстрация: аскердик абал киргизилген облустардын картасы

Киевдин маалыматына караганда, буга чейин Орусия Украинанын 23 морягын кармап кеткен. Булардын ичинен алтоо жаракат алган, экөө оор жарадар болгон. Орусия тарап Украинанын жаракат алган үч морягы азыр ооруканада экенин билдирди. Ал эми Украинанын кармалган үч кеме-катери Керч портуна жеткирилген.

Москва украиналык кемелер Орусиянын аймагын бузуп киргендиктен Кара деңизде кармалганын, ал үчүн курал колдонулганын ырастаган. Кремлдин басма сөз катчысы Дмитрий Песковдун айтымында, кармалган украин моряктары мыйзамга ылайык жоопкерчиликке тартылат.

Керч кысыгында, Кара жана Азов деңиздери кесилишкен аймакта болгон окуяны расмий Киев “агрессия”, Москва “чагым” деп баалады.

Захват украинских кораблей у берегов Крыма. Как это было (видео)
пожалуйста, подождите

No media source currently available

0:00 0:02:03 0:00

Украина президенти Петр Порошенко Кремлден Керч кысыгында кармалган украин моряктарын жана кемелерин тезинен бошотууну талап кылды.

Порошенко требует немедленно освободить украинских военных и корабли (видео)
пожалуйста, подождите

No media source currently available

0:00 0:00:53 0:00

25-ноябрда Орусия Керч кысыгы аркылуу украин аскер кемелерин өткөрбөө үчүн деңиз жолун убактылуу жапкан.

Орусиянын аймактагы аракеттерин бир катар европалык өлкөлөр жана АКШ сынга алды. НАТО Керч кысыгындагы абалга көз салып жатканын билдирип, тараптарды сабырдуулукка үндөдү.

Видео

Видео

ПИН номурдан чыккан чыр
пожалуйста, подождите

No media source currently available

0:00 0:06:44 0:00
XS
SM
MD
LG