Расонаҳои Туркия хабар доданд, ки шумори 95 дарсади варақаҳои раъйдиҳӣ нишон дод, ки номзади мухолифон Экрем Имомоғлу дар интихоботи шаҳрдори Истамбул 53,6%-и овозҳоро ба даст вардааст.
Интихоботи шаҳрдори Истамбул бо қарори Комиссияи олии интихоботии Туркия дубора баргузор шуд. Комиссия шикояти ҳизби ҳокимро қонеъ карда, гуфт, дар интихоботи моҳи марти соли равон, ки бо пирӯзии номзади мухолифон анҷомид, қонуншиканиҳо сурат гирифтааст.
Президенти Туркия Раҷаб Эрдуғон он замон гуфта буд, ки дар интихоботи шаҳрдори Истамбул қонуншиканӣ ва тақаллубкориҳои зиёд шудааст. Дар натиҷа Комиссияи олии интихоботии Туркия натиҷаҳои интихоботро бекор ва интихоботи дубора эълом кард, ки норозигии мухолифонро ба бор овард.