Чанд рӯз пеш барои санҷиш дар ин масир корвони мошинҳо - ду мошинӣ аз ҳар кишвар ба ҳаракат даромад. Расонаҳо бо истинод ба Вазорати нақлиёти Ӯзбекистон хабар доданд, ки масири мазкур 1422 километр тӯл дорад.
Ҳадафи асосии ташкили масир тақвияти интиқоли мол ба воситаи мошинҳо аз Чин ба кишварҳои Осиёи Марказӣ ва баръакс аст. Ҳамчунин он яке аз роҳҳои алтернативии дигари интиқоли молҳои Ӯзбекистон тавассути бандарҳои Чин ба кишварҳои севум аст, мегӯянд масъулони Вазорати нақлиёти Ӯзбекистон.
Ширкати муштараки Чину Ӯзбекистон -- Silk Road International моҳи сентябри соли гузашта интиқоли молро ба воситаи масири "Тошканд - Андиҷон - Ӯш - Эркештам - Кошғар" ва баръакс бар роҳ монда буданд.
Президенти Ӯзбекистон Шавкат Мирзиёев моҳи марти соли равон барои афзоиши тавонмандии бахши ҳамлу нақли кишвараш "харитаи роҳ"-еро тасдиқ кард. Харита, аз ҷумла ташкили ҳаракати санҷишии мошинҳо дар масири Ӯзбекистон-Тоҷикистон-Чинро пешбинӣ мекунад.