Ба гуфтаи президенти Русия, табодул "дастаҷамъӣ" ва барои муътадил шудани муносибатҳои Москва ва Киев "гоми хуб" хоҳад шуд.
Путин санаи дақиқи табодули зиндониёнро эълом накард. Вале манбаи хабаргузории русии Интерфакс дар доираҳои дипломатӣ дирӯз гуфта буд, ки он 7 сентябр баргузор мешавад. Президенти Украина Владимир Зеленский умед дорад, ки натиҷаҳои нахустини гуфтугӯҳо барои табодули зиндониён дар рӯзҳои наздик ба даст биёянд.
Субҳи 30 август дар бораи оғози табодули маҳбусон миёни Украина ва Русия хабарҳои зидду нақиз нашр шуданд. Вале дертар онҳо рад шуданд. "Гуфтугӯҳо барои табодули маҳбусон идома доранд", - иттилоъ дод сухангӯи Хадамоти амнияти Украина Елена Гитлянская.