Маалыматка караганда, 10-октябрда № 64/4 түрмөдө беш соттолуучу колониядагы оор абалга көңүл бурдуруу үчүн ачкачылык жарыялаган.
Уюмдун билдиришинче, 29-сентябрдан тарта аталган түрмөдөгү он соттолуучу кыш чыгарган заводдо иштешкен жана алар колониянын администрациясынан жаңы кол кап жана бут кийим сурашкан. Бирок түрмө кызматкерлери аларга орой мамиле жасап, ур-токмокко алышкан. Буга байланыштуу соттолуучулардын теңи ачкачылык жарыялашкан.
AHRCA маалымдагандай, колониянын карамагындагы кыш чыгарган завод күнү-түнү иштеп, күнүнө 400 миң кирпич чыгарат. Уюм өзбек бийлиги соттолуучуларды мажбурлап иштетип жатканын эске салып, муну ГУЛаг деп аталган сталиндик жазалоо системасына теңеди.