Қонуни ба истилоҳ, интернети ягона, ки аз сӯи президенти Русия Владимир Путин имзо шудааст, аз ширкатҳои фароҳамкунандаи интернет насби дастгоҳи махсусро талаб мекунад. Вазифаи он пешниҳоди маълумот ба нуқтаи назоратии давлатӣ аст.
Қонун ҳамчунин муқаррароти таъсиси системаи номҳои домени дохилии Русияро дар бар мегирад. Ҷонибдорони қонун мегӯянд, он Рунетро мустақилтар месозад. Ба гуфтаи онҳо, қонун ба ҳимояти Русия аз ҳамлаҳои эҳтимолии киберӣ равона шудааст.
Вале мунаққидон мегӯянд, қонун боиси ҷорӣ шудани сензура дар аксари бахшҳои интернет шуда, ба хадамоти махсус имкон медиҳад, ки корбарони шабакаҳоро ба таври густарда назорат кунанд.
Ба гуфтаи муовини вазири алоқаи Русия Алексей Соколов, вазифаи тамрин таъмини кори боэътимоди интернет дар Русия аст. Ӯ ин нуктаро 23 декабр дар суҳбат бо телевизиони давлатии Русия баён дошт.