Ссылки доступа

Триполиде аскердик окуу жайдагы авиасоккудан ондогон киши өлдү


Ишембиде Триполидеги аскердик окуу жайга абадан сокку урулуп, кеминде 30 киши өлдү, 33ү жаракат алды. Ливия Саламаттык сактоо министрлиги мерт болгондордун көбү окуу жайдын курсанттары экенин билдири.

Ливиянын Улуттук биримдик өкмөтү жоопкерчилик генерал Халиф Хафтардын “Ливиянын улуттук армиясынын” мойнунда экенин билдирди.

Ливияда 2011-жылы диктатор Муаммар Каддафи бийликтен кулатылгандан бери ич ара согуш токтобой келет.

Улуттук биримдик өкмөтү БУУнун арачылыгы менен 2016-жылы түзүлгөн. Триполини көзөмөлдөгөн бул өкмөт өлкөнүн чыгыш аймактарын колуна алган генерал Халифа Хафтар жетектеген "Ливиянын улуттук армиясы" менен тирешип жатат.

2019-жылы Хафтар Триполини курчоо башталганын билдирген. Аны Орусия, Франция, Египет жана Бириккен Араб Эмираттары колдойт.

Видео

XS
SM
MD
LG