Ссылки доступа

Түркмөнстанда пара берген дүкөндөр мөөнөтү өткөн азык-түлүк сатууга уруксат алууда


Түркмөнстандын Мары шаарында полиция кызматкерлери жеке дүкөндөрдү кыдырып, азык-түлүктөрдүн жарактуу мөөнөттөрүн текшерип жатышат. Бул тууралуу «Азаттыктын» түркмөн кызматынын аймактагы кабарчысы билдирди.

Анын айтымында, полициячылар дүкөн ээлерине мөөнөтү өтүп кеткен товарлар мамлекеттин пайдасына алынарын эскертишүүдө.

— Полиция кызматкерлери жарактуу мөөнөтү өтүп кеткен товарларды сатууга уруксат берүү үчүн дүкөн ээлеринен 2 миң манаттан пара сурап жатышат. Расмий курс боюнча бул 570 долларга, көмүскө базардагы курс боюнча 105 долларга барабар, — деди кабарчы.

Экономикалык кыйынчылыктарды баштан кечирип жаткан Түркмөнстандын аймактарында акыркы жылдары мөөнөтү өтүп кеткен товарларды сатуу кадыресе көрүнүшкө айланган.

Видео

XS
SM
MD
LG