Ссылки доступа

2023-жылдан тарта Казакстандын мектептери беш күндүк окуу форматына өтөт


Казакстандын билим берүү министри Асхат Аймагамбетов кийинки жылдан тарта өлкөдөгү дээрлик бардык мектептер беш күндүк окуу форматына өтүшү керек экенин билдирди.

"Мугалимдер ишемби күндөрү эс алып, өз балдары менен болушу керек деп эсептейбиз. Бул мектеп директорлоруна, орун басарларына, мугалимдерге жана андагы бардык жумушчуларга тиешелүү", – деди Аймагамбетов педагогдордун республикалык конференциясында сүйлөп жатып.

Министр беш күндүк окуу форматына өтүү – мугалимдердин эмгек өргүүсүнүн узактыгына таасир этпей турганын, ал азыркыдай эле 56 күн деп сакталып каларын белгиледи.

Апта башында Казакстандын Билим берүү министрлиги жаңы окуу жылынан тарта казак тилдүү мектептердеги 1-класстын окуучулары мурдагыдай дароо үч тилди эмес, казак тилин гана окуй турганын билдирген. Орус тилдүү мектептерде 1-класста мамлекеттик жана орус тили окутулат. Англис тили бардык мектептерге 3-класстан тарта кирет.

Казакстандын өкмөтү 16-августта министрликтин бул чечимин колдогон.

Буга чейин Билим берүү министрлиги мектептердеги окуу жылынын мөөнөтүн эки жумага узарткан. Ага ылайык, 1-класстар мурдагыдай 33 эмес, 35 апта, 2-11-класстар 34 жуманын ордуна 36 жума окуп калышат. Жайкы каникул 1-июндан 1-сентябрга чейин созулат.

Видео

Видео

Улуу көчтү улаган вандык кыргыздар
пожалуйста, подождите

No media source currently available

0:00 0:02:50 0:00
XS
SM
MD
LG