Ин тағйирот аз 1 июли соли ҷорӣ дар Кодекси меҳнати Қазоқистон ворид мешавад.
Ба ин тартиб, дар моддаи 71 Кодекси меҳнати Қазоқистон тағйироти зер ворид мегардад: "Бо ризоияти ҷонибҳо дар шартномаи меҳнат ҳафтаи чаҳоррӯзаи корӣ иҷоза дода мешавад".
Аммо ҳафтаи панҷрӯза ва шашрӯзаи корӣ дар Кодекси меҳнати он кишвар боқӣ мемонад. Аз салоҳдиди корфармо ва коргар вобаста аст, ки дар шартномаи меҳнатӣ ҳафтаи чандрӯзаи корӣ таъйин мекунанд.
Муаллифони тарҳи тағйирот ба Кодекси меҳнат гуфтаанд, метавон чунин низоми кориро ҷорӣ кард, ки коргар як ҳафта панҷ рӯз ва ҳафтаи дигар чаҳор рӯз кор кунад.