Мекеменин билдирүүсүндө Орусиянын Борбордук банкы 22-февралда Qiwi-банктын лицензиясын чакыртып алганы, буга байланыштуу банктын сервистеринин бири эсептелген Contact акча которуу системасы да ишин убактылуу токтоткону жазылган.
"Борбордук банктын бул чечимине байланыштуу Contact төлөм системасынын иши дүйнөнүн бардык өлкөлөрүндө, анын ичинде Тажикстанда да убактылуу токтотулду", – деп жазылган Улуттук банктын билдирүүсүндө.
Тажикстандык мигранттардын арасында популярдуу болгон Contact системасынын ишинин токтогонуна байланыштуу айрым жарандар Орусиядан которулган акчасын ала албай жатышканына даттанууда.
Тажикстандын Улуттук банкы Contact системасынын жетекчилиги менен байланышта экенин, учурда жөнөтүлгөн каражаттарга байланышкан маселени чечүүнүн үстүндө иштеп жатканын билдирди.