Ба иттилои хадамоти матбуотии ваколатдор, кормандони ин ниҳод бо раҳбарияти боздоштгоҳи муваққатӣ ва заноне, ки гуфта мешавад, латтукӯб шудаанд – М. Тажибек қизӣ, Н. Қудойбергенова ва К. Аранова мулоқот карданд.
"Аз суханони занҳо бармеояд, кормандони боздоштгоҳ 5 апрел аз Қудойбергенова талаб кардаанд, ки бо ашёи худ аз утоқ берун шавад, то ӯро ба дигар утоқ баранд, вале боздоштшуда ин талабро иҷро накардааст. Дар натиҷа зидди ӯ аз неру истифода шудааст", - афзудааст манбаъ.
Ҳамчунин гуфта мешавад, дар бадани Маҳабат Тожибек қизӣ осори латтукӯб дида шудааст.
Хадамоти матбуотии ваколатдор иттилоъ дода, ки додситонӣ дар робита ба ин ҳодиса тафтишро шуруъ кардааст.