Маалыматка караганда, аталган багыт боюнча жүргүнчүлөрдү Uzautotrans Service компаниясынын автобустары ташыйт.
"Каттамдар Yutong автобустары менен эки күндө бир аткарылып турат. Автобустар Ташкент автобекетинен жергиликтүү убакыт боюнча саат 15:00дө чыгат. Билеттин баасы 300 миң сум (2100 сом) деп белгиленди", – деп жазылган министрликтин билдирүүсүндө.
Майдын ортосунда Өзбекстандын Транспорт министрлиги быйыл 10 жаңы эл аралык автобус каттамдарын ачуу пландалып жатканын билдирген. Алардын арасында Самарканд – Бишкек, Бухара – Бишкек, Бухара – Астана, Самарканд – Түркстан, Бухара –Түркстан, Шахрисaбз – Түркстан, Самарканд – Душанбе, Бухара – Душанбе, Ташкент – Уфа жана Ташкент – Краснодар каттамдары бар.
Быйыл февралда Кыргызстандын Tez Jet авиакомпаниясы Өзбекстанга туруктуу аба каттамдарын аткарууга уруксат алганы белгилүү болгон. Анда компания Ош – Ташкент – Ош жана Бишкек – Ташкент – Бишкек багыттары боюнча учууну пландап жатканы кабарланган.