"Бархе аз шаҳрвандон 10 июн дар бораи садди обанбори Ҳисорак дар Шаҳрисабз хабари дуруғ паҳн карда, оромии сокинонро ба ҳам заданд", - омадааст дар иттилоияи пулис.
Зидди сокинони шаҳри Шаҳрисабзи Узбекистон Д.У ва Н.А ва дастандаркорони дигар бо банди "Паҳн кардани хабари дуруғ" парванда боз шуда, ба онҳо ҷарима ба андозаи аз 200 то 300 нишондиҳанда ( 1 нишондиҳанда $27) ё аз 1 то 3 соли зиндон таҳдид мекунад.
Қаблан Вазорати ҳолатҳои фавқулодаи Узбекистон хабари рахна шудани садди обанборро тасдиқ кард, вале гуфта буд, ки ҷойи нигаронӣ надорад ва обанбор осеби ҷиддӣ надидааст. Ба иттилои ин ниҳод, ҳудуди 50 техника ва беш аз 160 корманд дар маҳалли ҳодиса қарор дорад.
Ин хабар сокинони маҳаллиро ором насохт. Каналҳои узбекӣ дар паёмрасони Телеграм видеоҳоеро нашр карданд, ки нишон медиҳанд, сокинони минтақаҳои наздик ба обанбор хонаҳои худро тарк мекунанд.
