Бино ба хабарҳо, дар натиҷаи ин зарбаҳои мушакӣ беш аз 10 кас, аз ҷумла дар шаҳрҳои Киев ва Кривой Рог кушта шудааст. Яке аз биноҳои беморхонаи кудакона дар Киев низ хароб шудааст.
Гуфта мешавад, мушакҳо тавассути ҳавопаймоҳои бомбаандоз аз баҳри Хазар партоб шудаанд. Дар саросари Украина бонги хатар зада шудааст. Сокинон мегӯянд, дар Киев садои таркишҳоро шунидаанд. Мақомот гуфтанд, низоми дифои ҳавоӣ фаъол гаштааст.
Президенти Украина Владимир Зеленский хабар дод, ки неруҳои Русия беш аз 40 мушак партоб карданд.