Ссылки доступа

Қазоқистон ба соҳибони коғазҳои қиматноки русӣ то 1 август муҳлат дод


Маркази нигаҳдории коғазҳои қиматноки Қазоқистон аз муштариёни худ хостааст, ки то 1 августи соли равон коғазҳои қиматноки русии худро аз ин ниҳод бигиранд.

Расонаи РБК бо истинод ба нусхаи огоҳиномаи марказ, ки ба унвонии яке аз муштариён фиристодаанд, навишта, ки ин тасмим дар пайи эъломи таҳримҳои ахири ИМА зидди Русия гирифта шудааст.

Дар маркази мазкури Қазоқистон тақрибан 140 намуди коғазҳои қиматноки марбут ба Русия нигаҳдорӣ мешавад. Онҳо вомбаргҳои қарзи давлатӣ, корпоративӣ ва саҳмияҳо мебошанд.

ИМА 12 июни имсол таҳримҳоро зидди Русия сахттар кард. Маҳдудиятҳои нав хариду фурӯш бо доллару евроро дар биржаи Русия манъ мекунанд. Вашингтон ҳамчунин номи як қатор шаҳрвандон ва ширкатҳои дигари Русияро ба рӯйхати таҳримшудаҳо ворид кард.

XS
SM
MD
LG